Celf a Chrefft yr Urdd 2026 

Os yn aelodau o’r Urdd, gofynnwn yn garedig i chwi annog eich plentyn/plant i gynhyrchu eitemau adref o’r categoriau isod. 

Thema eleni yw BREUDDWYDION. 

Cynllunio Crys T (blaen a chefn) i ddathlu eoch cynefin. Gellir lawrlwytho templed o grys T gwag ar wefan yr Urdd. 

Cymeriad Cartŵn  – Dyfeisio cymeriad cartŵn gan dynnu llun o’r cymeriad ac ysgrifennu amdano heb fod yn hwy na 200 gair 

Ffotograffiaeth – 

Print Monocrom – Un print yn seiliedig ar y thema. Dylid cyflwyno pob eitem (dim mwy no mount A4) wedi’i fowntio ar gerdyn du. 

Print Lliw- Un print yn seiliedig ar y thema. Dylid cyflwyno pob eitem wedi’i fowntio ar gerdyn du heb fod yn fwy na 600mmx500mm. 

Cyfres o bedwar print monocrom yn seiliedig ar y thema wedi’u gosod ar gerdyn du heb fod yn fwy na 760mm x 560mm. 

Cyfres o bedwar print lliw yn seiliedig ar y thema wedi’u gosod ar gerdyn du heb fod yn fwy na 760mm x 560mm 

Pypedau  

Un pyped o unrhyw fath yn seiliedig ar y thema, e.e. bys, llaw, llinyn neu bren, mewn unrhyw gyfrwng neu gyfuniad o gyfryngau. Dylai pob pyped llinyn gael ei gyflwyno mewn ffram bwrpasol. Ni ddylai dimensiwn y pyped ei hun fod yn fwy na 500mm x 500mm x 750mm. 

Graffeg Cyfrifiadurol – Gwaith gwreiddiol yn seiliedig ar y thema, wedi’i wneud ar y cyfrifiadur a’i argraffu ar bapur. (Ni chaniateir defnyddio Clip Lun/’Clip Art’). 

Ffotograffeg a Graffeg Cyfrifiadurol – Cyfuniad o waith ffotograffiaeth a Graffeg Cyfrifiadurol e.e. gan ddefnyddio sganiwr a chamera digidol i greu un darn o waith gorffenedig mewn maint A4 yn seiliedig ar y thema. Rhaid cynnwys y llun gwreiddiol gyda’r darn gorffenedig. 

Gwaith Lluniadu 2D – Gwaith Lluniadu yn seiliedig ar y thema mewn un neu gyfuniad o gyfryngau megis y cyfryngau canlynol: paent, pensil, creion, pastel neu inc. 

Gwaith Creadigol 2D – Gwaith yn seiliedig ar y thema mewn cyfuniad o gyfryngau, megis collage, teils, mosaig. 

Gwaith Creadigol 3D – Gwaith yn seiliedig ar y thema sy’n cynnal ei hun mewn unrhyw gyfrwng neu gyfuniad o gyfryngau. Gellir cynnwys deunyddiau o fyd natur. 

Serameg/Crochenwaith 3D – Gwaith yn seiliedig ar y thema. Dylid sicrhau fod y clai wedi cael o leiaf un taniad bisged mewn odyn. Dylai’r gwaith unigol ffitio o fewn bocs 300mm x 300mm x 200mm. 

Argraffu – Gwaith yn seiiedig ar y thema. Mewn unrhyw gyfrwng neu gyfuniad o gyfryngau ac eithrio ffabrig. Derbynnir techneg sgrin neu argraffu oddi ar unrhyw arwynebedd, e.e. leino, pren, plastig, metel a.y.y.b. 

Argraffu neu addurno ar Ffabrig – Gwaith Creadigol yn seiliedig ar y thema gan ddefnyddio un dechneg yn unig e.e. peintio ar sidan, clymu a llifo, batic, argraffu sgrin, argraffu bloc, defnyddio’r cyfrifiadur a.y.y.b. 

Gwaith Creadigol 2D (Tecstilau) – Gwaith Creadigol yn seiliedig ar y thema mewn unrhyw gyfrwng neu gyfuniad o gyfryngau yn defnyddio anrywiaeth o dechnegau. 

Gwaith Creadigol 3D Tecstilau) 

Gwau (a Llaw) Crosio – Gwaith creadiol yn seiliedig ar y thema. 

Gwehyddu – Gwaith creadigol yn seiliedig ar y thema. Ni ddylai unrhyw ochr o’r gwaith fesur mwy na maint 1000mm. 

Gellir cofrestru ar lein, neu anfon y gwaith i’r Ysgol erbyn dydd Llun, 20fed o Ebrill. 

Mr Gwyndaf Davies 

Pennaeth

Headteacher

Ysgol Y Gwernant